Struktureli kerdi diskriminacija
On demand | Roma sam | 14. august 2017
I schtotiskeri sekreterkija Muna Duzdar, savi odoj sina, solidarisch pe sikal vascho aunpaschlaripe la flogoskera grupnatar le Romendar taj Sintijendar. Oj le vakeripestar le ungrike cajtceugenistar József Forgács uso gondolipeskero mulatintschago Betschiste igen vodschikan aunastardi sina.
ORF
Ada ardipe le „Roma sam"istar le dschenendar andar o medijakero projekto "Romblog Austria“ andi koperacija le ORF-istar kerdo ulo.
Andi Europa valami 500.000 Roma taj Sinti opfertscha le holocaustistar ule. Ando 15. april 2015 te o europitiko parlamento jek arkeripe aun lija, kaj o parlamento o flogoskero murdaripe le Romendar taj Sintijendar duach o nacijonalsocijalistscha oficileli aunprindschardscha, sar te o 2. august ojs europitiko holocaustiskero gondolipeskero di le Romenge taj Sintijenge. Uso gondolipe la Ceija Stojkake sako bersch upro „Stojka Platz“ jek gondolipeskero mulatintschago kerdo ol. O Hojda Stojka, Christian Vidic taj Robert Stoica o ada berscheskero gondolipeskero mulatintschago muschikaha vodinde. Sajt trin berscha o gondolipeskero mulatintschago upro „Ceija Stojka Platz“ kerdo ol.
Ceija Stojka
Schtotlichi diskriminacija pal 1945 meg sorale del
I Romni andar o Burgenland Manuela Horvath, savi o schero la Roma pastoralatar andar i Tikni Martona hi, pro vakeripe pedar pri familija likertscha. Ande pro vakeripe becug lel upro keripe le schtotlichi institutenendar, save le Romenge meg mindig pal 1945 diskiriminirend atschine.
Centrali gondolipeskero than andi Austrija falinel
I Mirjam Karoly andar i OSCE mangel la Austrijatar, kaj o gondolipeskero holocaustiskero di aunprindschardo te ol. Dschi adi tschak efta vilagi ada di nacijonal aunprindscharde. Oj meg upre sikal, hot andi Austrija jek centrali gondolipeskero than falinel.
O presdidento le dschidovtschengere „österreichischen Hochschülerschaft“ Benjamin Hess ari asdija saj barikano hi, i solidariteta maschkar o mindenfelitike opferengere grupn le holocaustistar.
Nuna Stojka ojs dscheno la Ceija Stojkatar vakertscha. Oj phukal pedar i motivacija la cajtceugenatar taj kinstlerkijatar, lakeri historija ando them te ledschel.
I flogoskeri grupnakei redakcija palikerel le keripeske la sendungatar la Vesna Nikolić, Laura Moldavan, Sahr Ahmad, Diana Dworzack, Samuel Mago taj Manuela Horvath.
Te palikerel kamaha le schero le projektistar „Romblog Austria“ Gilda N. Horvath taj Branislav Nikolić andar o farajn Gypsy TV pumare ande bescharipeske.
Romblog Austrija schtotiskeri sekreterkija Duzdar ando ORF Funkhaus
Servus | Szia | Zdravo | Del tuha | 13. august | ORF 2 Burgenland
Neue Perspektive | Medienprojekt „Romblog.at“