„Sprache kommt vor der Tat“ | Kunstakeri akcijona gejng o rasismus
On demand | Roma sam | 3.7.2017
Samuel Mago
v.l. A. Härle | S. Anozie | M. Schmiedt
Andi koperacija le Romao Centrojiha i Romni i inicijativa lija taj plakatscha ando pradipe terdschartscha.
La Andrea Härlejake, savi o botakero schero le farajn Romano Centrojistar hi, ada kojipe barikano hi gejng o „Antiziganismus“ angle te dschal. Amen meresch la kinstlerkijake use ada projekto pomoschinas.
Samuel Mago
„Sprache kommt vor der Tat“
„Kunst viderschtaundiske taj aundefinipeskero gondo“
„Sprache kommt vor der Tat | khetan hejnginipe la tschibtschaha, rasismusiha, ökonomijaha taj mochtiha" sikal, sar jek koncepto sar o rasismusikere keriptscha angle tradim on. Schmiedt upre sikal, saj sorale i tschib duach rasismusiskere diskurstscha pregim hi.
Adaj akan sikado ol, sar o kipi ando ar la monarchijatar dschi akan nisaj telschajdinipe upre sikan. Ojs bajschpül o „Menschenfresserprozess“ sikado ol, kaj o „Zigeuner“ ando kesdipe le 20. schelberschengerostar kanibalismus angle tschidim ol.
Ando maj o artschijipe andi „Galeriewerkstatt NUU“ te dikel sina.
Lejcti suboton la kinstlerkijatar taj le aktivistendar le Romano Centrojistar upri „Mariahilferstraße“ plakatirim ulo. I kuratorkija Marika Schmiedt dikel pri kunst ojs viderschtaund taj aundefinipeskero gondo.
Samuel Mago
Ferdinand Koller | Romano Centro
„Antiziganistische“ makiptscha igen sorale use line
O Ferdinand Koller phenel, hot o „antiziganische“ makipztscha Betschiste ando lejcti masektscha igen sorale use line. Koller ando lejcti berscha o „Antiziganismus“ phukajiptscha upre lija taj o farajn Romano Centro sajt 2013 sako duj bersch len ari del.
Upre ada bauninipeskeri bar „Sprache kommt vor der Tat“ akan te dikel hi, o upre pisinipe „Roma RauSS“. Ada pisinipe le Kolleriske jeke dschenestar bitschado ulo.
Rasismus pal te dschuminel
Te i Simona Anozie telal o pomoschagoskere dschene hi. I enkelkija la holocaust prikdschivdendar, kinstlekijatar taj pisinaschkijatar Ceija Stojka kamla pre pomoschagoha gejng o pobisteripe te butschalinel.
I Irina Spataru mitglid le Romano Centrojistar taj aktivistkija angle asdel saj barikano o upre butschalinipe la historijatar la flogoskera grupnatar le Romendar gejng o „Antiziganismus“ hi.