„FC Roma“ reschiseri Bojar | Rasismus ando cile koji bartschol

„Me andi flogoskeri ischkola ande jek Roma virtl ande Prag gejom. Me mindig telal o Roma somahi. Me siklijom man, upro dikipe te koncentririnel taj me gondolinav, ada mange igen latsche pomoschintscha,“ phenel o reschiseri Tomáš Bojar pedar i draninipeskeri buti le dokumentar filmistar „FC Roma“ ande Roma Sam.

On demand | Roma sam | 17.4.2017

O lobdakero klub „FC Roma“, savo ande jek tschechitiki telutni liga khelel, tschak Romane dschene use hi. Te upro lobdakero than terdschine, o schtadijon use jek than la diskriminacijatar taj rasismusistar ol. Butvar o avre khelatscha schtraufim on, savo lenge ham na duk kerel. Ham o Roma vaschoda pumaro asipe taj i sor na naschan. Kaj lengeri kamli sor, akceptirim te ol, o cile probalintschagi pujste tschite on. Afka o reschiseri Rozálie Kohoutová taj o Tomáš Bojari jek latscho dokumentariskero film pedar negativi taj positivi koji le lobdakere khelipestar kerde.

Rasismus ande o cile koji del

„Me schaj phenav, hot andi Tschechija ande o cile khetanipeskere koji o rasismus bartschol. Taj sar andar o internet esbe les, na tschak uso tschuleder godschar nipo, saven loj taj socijal tel dschumim on, o rasismus bartschol, te use odola murscha, save pedar 40 berscha phurane hi taj te utscheder kvalifikacija hi“, phenel lo.

"Ada na dschanav soke ada afka hi, ham me butvar ada esbe lijom. I lek telutni sikadipeskeri schichta, le Romenge pascheder hi, o socijali schtatus bojd glajchi hi, o manuscha pascheder dschin, na sar odola manuschenca saven nisaj kontakto hi. Te valako upro Roma tel dikla, odole butvar o lek soraleder rasistischi arpheniptscha hi. Lenge o kontakto falinel taj afka i dar adaj hi, phenel o Tomáš Bojar andi sendung Roma sam.

„Upri avri rik nan o Roma o baro problemo, sar o gadsche le mindig upre sikan. Sar o arnucinipe le socijali pomoschagostar. Te amen amen aundiklam, so ada le schtotiskere ande lipeske bedejtinel, ada marginal hi. Roma ojs ventil dininen, kaj te na smirom hi akor diha schaj muklo ol. Ada hi o bar savo tschdijom ulo, o gadsche na dschanen bojd buter te entschajdinel vasch asaj koji, save klisches hi taj afka sa ande jek piri tschidim ol. Afka na muken le use, le Romen ande te terdscharel, vaj lenge kher te mitinel te del. Afka ada jek bengakeri karika hi“, phenel o Tomáš Bojar.