Kudulinipeskero fabot ando foro Salzburg na likerla
ORF
Soske ada sa kesdintscha sina jek panasitschijipe jeke restostar. Andi „Getreidegasse“ jek dschuvli ando smirom kudulinlahi taj vaschoda 100 Euro schtrauf iste potschintscha. I „Getreidegasse“ odola thana Salzburgate hi, kaj o „smiromiskero kudulinipe“ na kerdo tromal te ol.
Entschajdinipe ando juni
I dschuvli uproda panasitschijipe uso utschipeskero kris kertscha. Oda ada kurko o proceso kesdintscha, taj o tschatschipe le kudulinipeskere fabotistar ando Salzburg peske aun dikla. Entschajdinipe ham erscht ando juni adale berschestar dela.
Pedar pumare gondi ham imar oda phenen: O kudulinipeskero fabot ando andrutno foro asaj dur dschal, kaj o cilo foro ando Salzburg tel utscharel. Asaj tschatschipe gejng o „Gleichheitsgrundsatz“ taj „Meinungsäußerung“ la frajhajtatar hi. Angle pantsch berscha o utsche birovtschagi o aguno kudulinipeskero fabot ande Salzburg vaschoda koja te perel mukle.