Zur Startseite
Seite 3
„Mahlzeit Burgenland“ 2.1. 9.01 Uhr

Martin Horvath bangorengere gulaschiha à la Roma

Khetan leskere farajniha „HANGO Roma“ mukel o Romengero-aktivisto ande leskeri nevi thajipeskeri kenva, i tradicijoneli kojnha la flogoskera grupnatar, upre te dschil. Use amende terdscharel ov upro stolo: Bangorengero gulasch à la Roma.

Martin Horvath mit Gemüse
ROMA SAM | KULTURA 2.1. 8.59 Uhr

Sintijengero-kulturakero di | Muschika ojs khetan phandlipeskero falato

Newo Ziro o aunpaschlojiptscha le austritike Sintijendar fatretinel. Ov ov lek terneder flogoskero grupnengero farajn andi Austrija hi. Le Sintijengere-kulturakere diveseha, savo ande Simmering kerdo ulo, le avre dschene pedar i kultura le Sintijendar te informirinel taj teldikiptscha tel te bauninel kamla. Verbim ulo jeke hangoskere khetanipeske taj so duj riktschengere respektoske.

Seimen Mettbach
ROMA SAM | KULTURA 27.12. 8.55 Uhr

Van der Bellen o mulatintschago uso 30 berschengero aunprindscharipe le Romendar ojs flogoskeri grupn pral

Ando 16to decemberi 1993 o Roma andi Austrija oficijeli ojs flogoskeri grupn aun prindscharde ule. 30 berscha paloda, akartscha i VHS Roma uso jubilejumiskero mulatintschago ando Pradimo Kher Erba. Prindscharde kinstlertscha taj kinstlerkiji andar i flogoskeri grupn, i muschika taj jek genipe, uso mulatintschago kerde.

Fetakt 30. Jahre VG-Roma OHO Oberwart
ROMA SAM | KULTURA 19.12. 16.00 Uhr

Tradicijoneli Roma-Advent kenvakera presentacijaha Erbate

O farajn HANGO Roma uso tradicijoneli Roma-Advent ando „Pradimo Kher Erba“ akartscha. Butenge o adventiskero mulatintschago use jek fiksi punkto andi anglutni botschitschani cajt entviklintscha pe. Adaj mindig jek mindenfelitiko programo del, savo i kultura le Romendar taj o mindenfelitiko papal te sikal taj upre te likerel. Pasche muschika, genipe taj habiptscha andar i Romengeri-kojnha, ada bersch te jek kenvakeri presentacija dija.

Roma Advent mit Martin Horvath und der Post Meridiem Band
AUNPRINDSCHARIPESKERO JUBILEJUM 16.12. 11.37 Uhr

30 berscha aunprindscharipe le Romendar ojs flogoskeri grupn

Upro di, angle 30 berscha, o Roma ojs schovti taj lek terneder flogoskeri grupn andi Austrija, aun prindscharde ule. But buti pekamli sina, mint o drom odoj otscha, nana loko.

Romaflagge
TELEVISAKERO MAGACIN 15.12. 12.56 Uhr

WIR ando 17to decemberi ande ORF III

O arto ardipe amare but tschibtschakere flogoskere grupnengere magacinistar WIR | ČEŠI, HRVATI, MAGYAROK, ROMA, SLOVÁCI, SLOVENCI kurke, ando 17to decemberi, 9.00 orenge ando ORF III sikado ol. Ande aja efta tschibtschakeri sendung o jekoschne falati ando jekoschne flogoskere grupnengere tschibtscha kerde hi, i moderacijona andi nimtschki tschib hi.

Julia Hamedinger
ROMA SAM | POLITIK 15.12. 8.27 Uhr

Di le flogoskere grupnendar ando parlamento

Ando 12to decemberi ando austritiko parlamento o di le flogoskere grupnendar mulatim ulo. Sikado ulo jek bulho programo le cile flogoskere grupnendar. Vasch o 30kero berscheskero di le aunprindscharipestar le Romendar ojs flogoskeri grupn, akartscha i bundakeri ministerkija Susanne Raab (ÖVP) imar jek di angloda ando bundakero kancleriskero birovtschago. Te o bundakero kancleri Karl Nehammer (ÖVP) use ada mulatintschago use sina.

Volksgruppenbeiräte bei Podiumsdiskussion
Adventiskero kalenderi 14.12. 7.27 Uhr

Adventiskero kalenderi | 14to boklo: Ferry Janoska & o Janoska Ensemble

Ando 14to boklo amare adventiskere kalenderistar resas upro Ferry Janoska taj o Janoska Ensemble, save khetan jek jagalo Csárdás ciden.

Ferry Janoska & Janoske Ensemble
Adventiskero kalenderi 11.12. 14.04 Uhr

Adventiskero kalenderi | 11to boklo: Hans Samer Band

O Hans Samer uso lek prindscharde Romengere-muschikaschtscha ando than genlahi. O kinstleri ando bersch 2012 mulo. Ando 11to boklo amare adventiskere kalenderistar meg jefkar leskera bandaha taj la dschila „Lolo rokla“ te dikel hi lo.

Hans Samer Band
ROMA SAM | BUTJAKERO FORO 6.12. 11.18 Uhr

„Prado Drom“ | Diskusijakeri karika usi butjakeri foroskeri situacija Romnjendar taj Romendar

Romnja taj Roma uso butjakero rodipe meg mindig diskriminacija esbe iste len. Adaj o cile dschene la podijumakera diskusijatar ando „Pradimo Kher Erba“ jek hi. I diskriminacija asaj dur dschal, hot poar dschene vasch lengero familijakero anav, buti na uschtiden. Adaj o butjakero projekto „Prado Drom“ aun bescharel.

Podiumsdiskussion Arbeitsmarktsituation von Romnja und Roma im offenen Haus Oberwart